Байзақ ауданы білім бөлімінің жұмыс жоспарына сәйкес 2026 жылдың 5 маусым күні «Теремок» балабақшасында мектепке дейінгі ұйым педагогтері арасында «Жасыл балабақша- экологиялық сананы қалыптастырудың негізі» тақырыбында аудандық семинар өтті. Мақсаты: мектепке дейінгі ұйымдарда экологиялық тәрбие беру арқылы балалардың табиғатты сүюге, жанашырлық көзқарасын, табиғатты аялауға, еңбекқорлыққа тәрбиелеу.
Семинарға мектепке дейінгі ұйымнан 50 педагог қатысты. Сонымен қатар «Жасыл балабақша аллеясы» ашылып, бау-бақшаға ардагер педагогтар мен ата-аналар ағаш талын отырғызды. «Теремок» балабақшасының меңгерушісі Джарылкапова Лайля Мейрамбаевна балабақшадағы «Тұзды шахта» мен «Жылыжай» жұмыстарымен таныстырды. Балабақша әдіскері А.Нурадинова баяндама оқып, тәрбиешілер Н.Әкімбай, А.Хайруллина, Г.Самекова ұйымдастырылған іс-әрекет, А.Садыбаева «Шебер сынып» көрсетіп, өздерінің іс-тәжірибелерімен бөлісті.
